近排睇緊"狗狗食得天然"呢本書, 見佢有個好簡單嘅花生醬曲奇食譜, 所以就買左包有機花生, 自製花生醬, 一半用黎整比朱古力奶食, 另一半就整比自己同CoCo爸食 (當然人食同狗食嘅recipe係唔同架啦, 人食嘅可以睇呢度http://hk.myblog.yahoo.com/cocomilkyclub/article?mid=480&prev=487&next=477 )!
食譜原自呢本書, 佢嘅內容幾有說服力, 令到一直只係比乾狗糧朱古力奶食嘅我, 開始自製一d真正有營養嘅"食物"比佢地:
2007年4月25日 星期三
花生醬曲奇with home made 花生醬 (doggie version)
材料：
全麥麵粉......2量杯
自發粉.........1 湯匙
粗粒花生醬...1量杯 (我就自己買左包有機花生, 然後白獲炒熟, 去左衣之後放入攪拌機攪成醬, 咩都唔洗加架, 因為花生有花生油, 自然會攪成醬狀! 由於要粗粒, 所以我留起大約四分一花生, 攪成碎之後溝返入去之前果四分三已經攪成醬嘅portion度, 就成為home made peanut butter啦! 無鹽無糖無防腐劑, 人食狗食都得)
低脂奶.........1量杯 (有人會用狗奶代替, 但係我就用水, 不過如果用水, 可能要減d分量, 因為水比較稀, 我結果要落多成半杯粉先搓到個粉糰! 加上早前睇左個節目, 話其實人飲奶都唔一定係健康架, 跟住睇埋上面果本書, 佢話喺所有生物當中, 只有人類長大左之後都仲飲奶, 仲要係飲其他動物嘅奶! 所以其實動物本身成長之後, 跟本唔洗飲奶, 因為奶入面嘅營養可以喺其他食物度吸收到, 而且人(唔知狗係唔係)大個左就會無左用黎消化奶果種enzyme, 所以有d人係飲唔到奶, 又可能對奶敏感! 如果喺大自然入面, 狗狗介左奶之後都一定唔會再有奶飲, 咁唔加奶比佢就一定無問題啦!)
做法：
1.) 先將焗爐預熱至 190度.
2.) 在一個大碗中，將全麥麵粉及自發粉拌勻.
3.) 於另一個碗中，將花生醬和低脂奶(或水)拌勻.
4.) 然後再將 (3.) 加入 (2.) 中，拌勻.
5.) 將以上混合好的粉糰倒在已灑上粉的枱面上, 輕輕稍微搓揉.
6.) 再用麵粉桿將粉糰推壓至 1/4寸厚，然後用餅模切出餅餅的形狀
7.) 把一個個餅餅放在已鋪牛油紙或錫紙的焗盤上，放入焗爐中焗大約20 分鐘或至金黃色
8.) 放涼後便可給狗狗進食。
全麥麵粉......2量杯
自發粉.........1 湯匙
粗粒花生醬...1量杯 (我就自己買左包有機花生, 然後白獲炒熟, 去左衣之後放入攪拌機攪成醬, 咩都唔洗加架, 因為花生有花生油, 自然會攪成醬狀! 由於要粗粒, 所以我留起大約四分一花生, 攪成碎之後溝返入去之前果四分三已經攪成醬嘅portion度, 就成為home made peanut butter啦! 無鹽無糖無防腐劑, 人食狗食都得)
低脂奶.........1量杯 (有人會用狗奶代替, 但係我就用水, 不過如果用水, 可能要減d分量, 因為水比較稀, 我結果要落多成半杯粉先搓到個粉糰! 加上早前睇左個節目, 話其實人飲奶都唔一定係健康架, 跟住睇埋上面果本書, 佢話喺所有生物當中, 只有人類長大左之後都仲飲奶, 仲要係飲其他動物嘅奶! 所以其實動物本身成長之後, 跟本唔洗飲奶, 因為奶入面嘅營養可以喺其他食物度吸收到, 而且人(唔知狗係唔係)大個左就會無左用黎消化奶果種enzyme, 所以有d人係飲唔到奶, 又可能對奶敏感! 如果喺大自然入面, 狗狗介左奶之後都一定唔會再有奶飲, 咁唔加奶比佢就一定無問題啦!)
做法：
1.) 先將焗爐預熱至 190度.
2.) 在一個大碗中，將全麥麵粉及自發粉拌勻.
3.) 於另一個碗中，將花生醬和低脂奶(或水)拌勻.
4.) 然後再將 (3.) 加入 (2.) 中，拌勻.
5.) 將以上混合好的粉糰倒在已灑上粉的枱面上, 輕輕稍微搓揉.
6.) 再用麵粉桿將粉糰推壓至 1/4寸厚，然後用餅模切出餅餅的形狀
7.) 把一個個餅餅放在已鋪牛油紙或錫紙的焗盤上，放入焗爐中焗大約20 分鐘或至金黃色
8.) 放涼後便可給狗狗進食。
Remarks:
- 粗粒裝花生醬以自己磨製的更佳
- 把吃不完的餅餅放在密封容器中, 可保存長達一星期 (如天氣熱, 要把容器放入雪櫃)
- 若你不想一次過焗咁多餅餅，可以將用剩的麵團用保鮮紙包好，放入冰格，再想焗餅前一天把冰凍的粉團放到雪櫃的下格，待它解凍。
簡單嘅材料, 最arm我呢d懶人:
2007年4月24日 星期二
花生醬曲奇with home made花生醬 (human version)
尋日放工行開吉之島supermarket, 見到有剝左殼嘅有機花生, 所以就買左返屋企自製花生醬! 我將d花生醬分左兩份, 一份就做人食嘅曲奇, 另一份就梗係整比朱古力奶啦! 朱古力奶果份可以睇呢度http://hk.myblog.yahoo.com/cocomilkyclub/article?mid=487&prev=-1&next=480
呢個recipe喺係網上搵嘅(呢個recipe係人食架, 唔好整比狗食呀!):
材料：
1. 牛油 100g
2. 粗粒花生醬 100g (我自己用碎肉機整)
3. 糖 100g(我覺得可以減30g)
4. 蛋 1隻
5. 麵粉 150g
6. 發粉 1/2 tsp
7. 鹽 少許
作法：
1. 牛油、花生醬及糖拌勻。
2. 分次加入蛋液。
3. 篩入麵粉、及粉及鹽混合成糰。
4. 把麵糰分成直徑2cm圓球，放於已掃油焗盆上，用叉壓至扁平。
5. 以190度焗10-15mins至金黃色即成。
1. 牛油 100g
2. 粗粒花生醬 100g (我自己用碎肉機整)
3. 糖 100g(我覺得可以減30g)
4. 蛋 1隻
5. 麵粉 150g
6. 發粉 1/2 tsp
7. 鹽 少許
作法：
1. 牛油、花生醬及糖拌勻。
2. 分次加入蛋液。
3. 篩入麵粉、及粉及鹽混合成糰。
4. 把麵糰分成直徑2cm圓球，放於已掃油焗盆上，用叉壓至扁平。
5. 以190度焗10-15mins至金黃色即成。
準備入爐啦......
焗左15分鐘, 好似over左添, 不過都ok, 下次12分鐘好啦!
2007年4月20日 星期五
人狗營養晚餐
所謂人狗營養晚餐, 唔洗驚, 唔係人同狗share同一樣0野食, 只係我尋晚煮開飯, 所以抽起一d材料整埋比朱古力奶食姐!
1. 白菜紅蘿蔔煲豬展湯 (材料: 大大個紅蘿蔔, 白菜, 豬展, 南北杏, 蜜棗兩粒)
2. 青蒸東星 (CoCo爸話條東星只係賣七十幾蚊......到底呢條紅色0既魚係咪真係東星黎架???)
3. 上湯菜心苗
4. 梅子蒸豬肉
5 清炒翠玉瓜
至於朱古力奶餐飯呢, 睇佢地兩分鐘清兜, 就知好唔好食啦!
1. 翠玉瓜蒸雞柳 (我將d翠玉瓜切左粒之後放0係d雞柳底度一齊蒸8分鐘, 結果d翠玉瓜吸左好多雞肉味, 翠玉瓜本身又甜甜地, 勁好味, 我都忍唔住食左幾啖!)
2. 因為我地用黎煲湯果個紅蘿蔔太大個, 所以留左一d比朱古力奶! (切左粒之後用水浸住放入微波爐叮, 因為d爐頭比我用緊黎煮飯, 所以唯有偷懶用叮叮啦!)
翠玉瓜的正確名稱是Zucchini. 漁農處：「翠玉瓜是一種南瓜，其果色翠綠，果肉鮮嫩。 翠玉瓜含維生素A、碳水化合物及纖維質，其含量較市民常吃的瓜類如青瓜、節瓜及絲瓜等為高，是一種營養價值甚高的蔬菜品種。」
紅蘿蔔，又稱胡蘿蔔（Daucus carota）或甘筍，是傘形科胡蘿蔔屬二年生草本。以肉質根作蔬菜食用。紅蘿蔔屬半耐寒性，喜冷涼氣候。為長日照植物。肉質根在18～20℃時發育良好。中國多於夏秋播種。紅蘿蔔營養豐富。有治療夜盲症、保護呼吸道和促進兒童生長等功能。此外還含較多的鈣、磷、鐵等礦物質。
2007年4月18日 星期三
Home made 燕麥潔齒餅
之前行超市買左包有機燕麥片,諗住自己整潔齒餅比朱古力奶食, 點知一直都好忙, 無左件事! 直到今晚CoCo爸出左trip, 電視又唔好睇, 我同朱古力奶你眼望我眼...... 咁我就諗起買左包燕麥片好耐, 搵返個recipe出黎, 就開始"阿媽整餅"啦! 近排d狗糧成日出事, 開始對commercial dog food無咩信心, 奈何我又無時間日日煮比佢地食, 唯有盡量比d健康d嘅嘢朱古力奶食啦, 其實佢地平時好少食零食, 每日都係一舊餅起兩舊餅止, 不過其實d餅用咩整, 點樣整, 真係唔知! 自己整, 起碼都知道用左咩材料, 同埋一定新鮮! 坊間有好多狗餅recipe, 我會揀d材料簡單嘅, 除左方便整之外, 愈簡單嘅recipe應該愈健康(起碼變數少d)!
Recipe轉貼自http://goldenretriever.hk/phpbb2/viewtopic.php?t=6287&highlight=%BC%E4%BE%A6%BB%E6
燕麥潔齒餅做法:
材料:
麵粉............3杯
燕麥片.........3杯
橄欖油........1湯匙
水...............適量
做法:
1.先把麵粉、燕麥片加水搓均勻(這餅乾是比較實,如太硬可加水)
2.再加橄欖油搓均勻
3.蓋布鬆弛10分鐘
4.把麵粉團分成小塊並壓扁
5.烤盤鋪上鋁箔紙(不需抹油)將小塊麵團排盤
6.把烤箱預熱至170-175度,烘烤25-30分鐘,熄火之後烤盤放在烤箱內 悶至烤箱冷卻,等餅乾完全涼後收藏在密封袋內。
由於係即興整餅, 所以無買骨骨形餅模, 屋企淨係得聖誕樹同心心餅模, 整出黎都幾靚呀!要搵個大d嘅存氣盒先裝得晒
D餅餅仲未食得, Milky一於"守株待兔", 瞓喺隔離慢慢等!
2007年4月13日 星期五
Milky兩歲生日, 大個囡啦!
4月13號係阿囡嘅大日子, 做阿媽嘅, 一定唔可以偏心, CoCo生日有我親手整嘅香蕉蛋糕, Milky又點可以無呢? 今次仲買左個10蚊雞嘅心型焗盤, 襯晒阿囡咁sweet!!!!! 阿囡又大一歲啦, 媽咪祝你開開心心, 健健康康, 日日都笑得咁甜啦!
剛剛出爐嘅香蕉蛋糕脹扑扑, 仲好香添...加埋cranberry 同餅餅做topping, 攪掂!Milky嘅生日會, 仲有呢隻朱古力奶姨姨去英國買比我嘅chocolate lab公仔參加, 個袋入面仲有朱古力食架!
)
2007年4月9日 星期一
復活節自助餐
五日假期嘅第四日(星期日), 下晝同朱古力奶去左Pet Oasis游水, 順便沖涼, 成個下晝都無其他狗游水, 無啦啦又可以包池!!!!!!同朱古力奶玩左半日, 夜晚梗係要自己去wet啦! 其實星期六果晚已經想食自助餐, 點知打去Island Shangri-La訂位, 星期日晚竟然wait list wait到第18位, 好誇! 點知星期日下晝兩點左右打黎話有位喎, 所以帶完朱古力奶去游水之後, 夜晚就同埋朱古力奶公公婆婆一齊去食復活節自助餐啦!
其實一向唔係太"好"自助餐, 因為通常就算多嘢食, 都唔係幾好食, 但係Island Shangri-La 間Cafe Too嘅自助餐, 好多嘢食之餘, 仲要係幾好食果隻! 好嘢包括軟殼蟹手卷, 花旗蔘雞湯, 凍蟹, 生蠔, 魚生, 泰式西式日式Salad, 羊扒, 淥麵, 即煮意粉, 多種咖哩, 印度烤包同薄餅, 廿幾款點品, 仲有我至愛嘅即整pancake, 梳乎里, 豆腐雪糕......仲有講唔晒咁多好嘢! 所以呢度嘅buffet好多時都瀑, 一年食一兩次真係幾開心架!!
2007年4月7日 星期六
朱古力奶初遇波仔@新娘潭
星期四探完波仔, 星期五已經掛住佢, 一於帶朱古力奶見下佢地契細佬, 本來諗住去行下超易行大平路嘅大尾篤水壩, 點知去到多人多到連車位都無, 唯有去入d嘅新娘潭啦! 話說大家都未行過, 見佢寫住"新娘潭燒烤場"同"郊野公園", 諗住都好易行, 點知......條路係一條好斜嘅石路, 仲要好窄同有青苔, 真係一步一驚心, 好彩朱古力奶好生性, 無咩點搶繩, 如果唔係, 真係連人帶狗一齊碌落山!
波仔阿媽仲辛苦, 全程要抱住波仔行, 仲要著住拖鞋!!! 母愛真係偉大!
雖然行得辛苦, 但係做下運動都幾好呀! d小朋友初時驚CoCo, 點知後來見CoCo表演完d tricks之後, 開始多多要求, 又要阿囝做呢樣做果樣, 阿囝比佢地點到頭都暈埋!
我契仔 - 大埔喪波
我契仔波仔已經3個幾月大, 打左兩支針, 健康都ok, 仲已經有個"朵" - 大埔喪波!!! 復活節連埋清明成5日假, 做契媽嘅我, 梗係第一時間去探下契仔啦!
波仔: 契媽, 你依依呵呵講咁耐講咩呀, 又話買左嘢比我食, 得個講字!
波仔: 係囉, 快d開啦!
咦, 波仔同Zoe有咩共同目標呢??????
探完契仔, 去左大尾篤食飯, 呢間新開嘅泰菜, 有少少fusion菜feel, 好好味架!!!
好多燒烤海鮮, 好似去左布吉咁!
要預早訂嘅原隻燒乳豬!
契仔阿爸私伙紅酒, 好rich好易入口, 仲唔貴添, 等我地都買返支看門口先!
青咖哩羊扒......好好食呀!
Zoe食串燒食到"貢"嘅"樣, 好肉緊喎!
由於我地無預訂, 所以呢半隻燒乳豬要等成個幾鐘, 不過真係好正!
訂閱：
意見 (Atom)