變臉

人人都話Milky可愛, 又做埋狗醫生, 大家見親佢都係超溫柔咁0既樣! 

我相信0係呢個世界上, 佢只會對一隻狗露出佢0既真面目......................................

呢張相如果比d生果日報之類見到, 又大字標題話"金毛發狂咬狗", 法例規定重過20kg 0既狗要帶口罩...(下刪數十字)!  我想問係邊度0既法例呢? 火星??????

  香港係無呢條法例架唔該!!!

 

發狂咬狗0既金毛尋回犬, 發現有人(佢阿媽)映相, 即刻實行變臉絕技, 你地睇, 呢隻眼碌碌扮cutie嘅狗, 真係點睇都唔似上面張相果隻!  原來阿囡唔做醫生都可以去做變臉大師, "近"過華仔呀!!!

5個月lab BB都要搵人領養?

今日0係hongkong dog rescue個網頁度見到呢隻5個月大0既黃lab BB, 真係估唔到lab BB都要搵人領養!

  上手主人最多咪買左佢3個月, 隻狗又underfed, 瘦到皮包骨, 呢d咩人黎架? 一d責任心都無!!!

Copied from:   http://pub15.bravenet.com/classified/show.php?usernum=1221773649&cp=1

5-MONTH YELLOW LAB PUPPY

This lovely boy will go quickly. Bought at a pet shp and then given up, Edison had been underfed and is still a bit thin and always hungry!

大家如果有心養狗狗, 真係考慮下領養啦, 無論係純種狗定係唐狗, 只要比d耐性, 一定搵到arm心水0既!  見到hong kong dog rescue成日都keep住有幾隻金毛等待領養, 點解仲要比錢去無良寵物店買呢???

再整月餅

經過上次樣衰月餅之後, 今次改進左, 用少d olive oil, 多d水, 個樣靚返d啦, d花紋仲見到呀!

南瓜蓉雞肉, 個日本南瓜喺citysuper買，好甜, 整果陣我都忍唔住食左幾啖!

整完月餅, 仲有南瓜蓉同雞肉淨, 所以朱古力奶晚餐就加料: 南瓜蓉+雞肉+紅莓蓉+狗糧+亞麻籽粉!

有意義又充實嘅星期六

星期六下晝Dr. Milky要去筲箕灣一間老人院開工, Dr. Milky都出job出左9個月, 而家已經定好多啦.  初時佢一去到開工嘅地方, 見到其他狗就好似開制咁, 興奮到扭晒patpat! 

而家好好多啦, 見到其他狗都會好excited, 不過好快settle, 投入工作!

今次visit有少少特別, 間老人院係第一次攪dr. pet探訪, 初時我都有d擔心d公公婆婆會唔會好驚狗!  不過出乎意料之外, 大部份公公婆婆都唔驚大狗, 仲爭住要摸d大狗喎!

  同佢地傾多兩傾, 原來好多以前都有養過狗, 仲係大狗, 狼狗之類!  有個公公仲話Dr. Milky小兒科啦, 咁細隻!  另外今次老人院負責攪dr. pet visit嘅staff係我同行黎架(職業治療師), 唔怪得之呢間老人院d老人家好似比其他老人院果d開朗d啦, 同行都有功勞架!

Dr. Milky收工之後, 我地就一家四口去左寶馬山食下午茶, 多得Milky, CoCo又有街去!

唔好以為做Dr. Pet一個鐘好他條, 每次visit完之後, Milky都攰到得返半條狗命!

飲完下午茶, 我地就送左朱古力奶去爺爺屋企, 我地就去shopping, 夜晚再返爺爺度食飯!  朱古力奶最鍾意去爺爺度, 因為有"無間斷"嘅零食塞入佢地個口, 阿爸阿媽都唔認得!

喺Apita (即係前身Uny)行下行下, 比CoCo爸發現呢盒嘢!  嘩, 朱lab呀!

  嘩, 大頭狗呀!  嘩, 特價$20呀!!!  平到咁, 唔買真係對唔住自己呀!!!!!!!!

夜晚返爺爺屋企做節, 食完晚飯之後, 隔壁屋隻哥基過左黎玩, 佢好鬼可愛架, 不過有d驚CoCo, 仲"哩"左喺CoCo爸隻腳後面!  其實CoCo咩都無做過, 淨係聞下佢佢已經驚成咁啦!  

唔知好嬲定好笑

話說有一年, 我地貪近同CoCo去左近屋企0既vet度打預防針, 佢地會每年寄一次reminder黎提我地到期打針.  今年收到張reminder,都唔知好嬲定好笑, 你地睇下個名.....................

係咪應該寫返"無此人"幾隻字然後比郵差叔叔打回頭比佢地呢?  咁都錯得, 點放心比隻狗你醫呀???

攪笑浴帽

喺灣仔返工, 最好就係食晏之後可以去行下街, 灣仔好多檔口仔賣"立雜"嘢, 又可以行下太原街玩具舗, 真係飯後嘅好"運動"!!!!

有日行過見到有kitty浴帽, $5個, 鍾意kitty嘅我梗係即買啦!  前幾日拆開黎用, 先發覺原來個浴帽係有"design"架!!!!!!  果對耳仔好攪鬼, 又好低能!!!!!  攪到我同CoCo爸笑到收唔到聲! 

呢個浴帽認真抵, $5個有得用, 有得笑, 仲有surprise添, 真係一次過滿足晒3個願望! 

樣衰月餅

第一次試整狗狗月餅, 跟"狗狗開心廚房"0既recipe, modify左少少, 個餡料用左南瓜蓉同雞肉(其實用咩都得, 狗狗鍾意咪得囉), 不過唔係太滿意, 因為唔知點解焗完之後個月餅脹大左, 同埋包左餡之後好濕, d皮又痴唔實, 掃完蛋液之後d花紋又花晒......下次要再改進下先得!

材料:

皮:  麵粉(100g)+胚芽粉(20g)+Olive oil(20g) +水(20g)

餡:  南瓜蓉 + 雞肉

蛋黃液

做法:

1.  皮嘅材料混埋一齊搓

2.  將適量餡料包入皮度, 搓成球狀放入迷你月餅模度做型

3.  月餅面噴水後入爐170度焗大約8分鐘, 拎出黎掃蛋黃液喺面, 焗多15至20分鐘直到變成金黃色

 

未入爐之前好似樣架, d花紋都仲好清楚

(除左左上角果個失敗之作!)

焗完之後脹左, d花紋又唔清楚!

只可遠觀嘅樣衰月餅 !  不過好在朱古力奶唔理好醜, 最緊要就"口", 一樣食得好開心!!!!!