愛上做英文exercises

Sheryl嘅英文叫做係 "中英數"入面最好....計數唔多掂之前講過, 其實中文都不相伯仲...唉.....

好彩英文叫好少少, 學校有教phonics, 進度ok, 所以之前上緊嘅Oxford RWI 暫時停左, 一來加價, 二來進度慢.

而家Sheryl閱讀英文ok, 可以自己睇ORT kipper and floppy Level 8, 不過寫同串字就未得.  因為我無要求佢死記背串字, 佢自己用phonics串, 所以係唔準確嘅.  有見及此, 而家每晚做完學校d功課之後就同佢做下exercises. 

呢個系列幾好, Sheryl好鍾意做, 因為有Stickers!

另一本係Sight Word, 做得多d, 因為早期閱讀係靠sight word, 所以我無著重教佢認noun (即係cambridge starter exam果d)

本exercise每次做兩版, 每次學4個sight words, 每晚學4個, Sheryl喺兩個月內已經完成左200個sight words, 閱讀能力大有進步,  兩個月前仲睇緊ORT Level 2, 而家Level 8都ok, 係間中有d深字要提下佢, 佢都自己可以拼讀到.

而家Sheryl可以自己read instruction 跟住完成exercises.



開始做reading comprehension, 睇段文佢無問題, 係要提下先寫到complete sentences.

以下呢篇日記, 係我協助下寫嘅, 大部份sight word自己串到, 不過其餘好大部份係我串比佢聽 (唔係自己完成, 唔洗驚訝!)

因為Sheryl自己有興趣 (佢晚晚都自己要求要做英文exercises), 所以同佢報左miniMinds 嘅英文串字writing 班, 今個月中開始, 希望物有所值啦 (因為都幾貴)!!!!

numicon學加數

Sheryl有一樣野似我, 就係計數唔多掂....

Enopi升左level 5, 開始學making numbers, 即係 ?+?=6, ?+?=7  etc.

Sheryl教極都唔識....可能太抽象了.

好彩之前買左numicon, 拎出黎教佢, 果然真係好有用, 將d抽象concept形象化...


根據本instruction manual, 砌完之後要自己記錄......

之後過左兩堂enopi, 老師comment 佢 "big improvement in addition"!

如果我細個有呢d教才, 可能我就唔洗變成數學白痴了

優才面試

2013年6月30日

 

又係面試日,優才(楊殷有娣)書院

 

面試時間係下午3:30, 我地食完lunch之後先帶Aidan到婆婆屋企, 因為面試地點係優才旺角校舍, 好近婆婆屋企

 

3:15分到達, 等左10分鐘左右就全部同一時段嘅人跟老師入禮堂.  校長好輕鬆噤同我地講下笑, 跟住播Thomas卡通片, 又問下問題 (關於thomas嘅問題), 令到氣氛好輕鬆, 跟住就問邊個小朋友想玩同食糖, 當然全部舉手, 校長就叫小朋友出黎扮火車排隊去玩.  喺唔覺意嘅情況之下就帶左佢地去interview.  (呢part我好欣賞佢地嘅安排, 有邊個小朋友唔鍾意睇卡通片, 玩同食糖?  可以令到小朋友開開心心入去interview, 呢個細心安排好touching!)

 

跟住家長就跟指示上班房見老師.  一個班房入面有3個老師, 用屏風分隔.  問題如下:

 

1.  有無聽簡介會?  除左簡介會, 有咩途徑認識我地學校?

2.  小朋友有咩優點缺點

3.  點解唔讀返維小?

4.  如果無校車到你點返學

5.  如果有conditional offer 要家長上堂有無問題?

 

其實都係問卷之前填過嘅野.  不過想講多少少第3題.  我地答因為覺得維小discipline唔夠, 我地希望開心學習之餘都要保留中國傳統道德論理觀, 老師即刻好認同, 佢話去年佢地都收左唔少維幼學生, 佢地都係同一個style.....開左學要幾星期先可以適應到, 同埋維幼一般都英文強中文弱., 開學初頭有d吃力......

 

睇黎維幼畢業生都係同一style, 我估好多學校都知, 所以要打破呢個perception都要花d功夫, 睇黎要惡補中文了......

 

之後再去一間課室睇片, 播放關於學校去年攪嘅德育program, 睇左10分鐘左右就落返地下接小朋友, 當時佢地已經面試完, 一排排坐喺度聽NET講故事, NET有問問題, 小朋友舉手出去答.  家長坐後排睇同等.  不過我估計係唔計分的, 因為佢地身上嘅名字label已經唔見左, 睇黎係老師刻意比家長知道呢part只係等家長時玩下而唔計分.   最後家長可以接返離開, 每人有一塊pizza糖. 

 

小朋友面試內容:

1.  一group小朋友砌lego, 砌完收返，阿囡話佢有幫小朋友執，因為佢地一舊一舊噤執好慢，所以佢三舊三舊噤執 (又忍唔住d bossy 行為)
2.  畫畫，佢話畫左mammy, 仲有daddy 細佬，公公，婆婆......（下刪數十人）仲寫左daddy mammy 中文名，我問佢你識寫咩？佢話老師寫佢抄
3.  英文：老師讀小朋友寫，sheep, dog, cat, hat......
4.  計數： 20+14=？，10+5=?    佢話兩題都唔識 -_-||. （平時佢識10+5的）
5.  個別面見老師，佢話老師淨係問左佢叫咩名，邊間學校，同埋學校喺邊

睇黎都唔睇好, 因為唔識計數 (優才好似幾著重)....

真道面試

2013 年6月29日

今日去真道面試, 又係中午12點, 好好嘅時間

11:35分到達, 先帶Sheryl去廁所, 跟住去點名, 當時只係11:45, 不過原來到左就可以去排隊, 12個人一批跟老師到樓下斑房進行小組面試, 老師叫我地45分鐘後返黎接佢..

11:45分已經入左去, 我地去左隔離商場食野.   12:30返去接佢.

Sheryl報道面試內容:

- 寫名，自己揀中文或英文
- 聽指示連線，猴子連去1，豬連去2，狗連去3 , d數字喺架火車上面
- 抄寫猴子，豬，狗
- 認讀dog, cow,cat, daddy, mammy, sister
- 老師叫畫一幅畫，佢話畫左佢學校個best friend,老師應該有問佢地畫左咩，要解畫比老師聽
- 拋波入籃，拋唔中嘅小朋友就離開課室
-坐低等家長接，一人一本書,去接佢時佢唔肯走，話要睇埋本書先，普通英文故事書，一page有4，5句果d

走嘅時候見到學校個籃球場, 阿囡話想run, 仲引埋其他小朋友一齊run.

由於今日下午2:00阿囡幼稚園校長請佢地班合唱團團員去Bom City玩, 獎勵佢地校際攞到大獎, 所以時間緊迫, 只可以喺車上食Mac當當.

其實之前已經去過Bom City, 不過今次唔洗錢就去多次啦.

今次阿囡揀做牙醫...

同埋Model......

其實活動4點先完, 可以扮演3個職業, 不過我地玩左兩個就走, 因為實在太多節目, 我地又要趕去4點嘅港大同學會小學簡介會.....今日真係攰爆!!!!!

維多利亞小豆豆合唱團 - Rapunzel音樂劇

學期最後一堂合唱團安排左去維小表演音樂劑 - Rapunzel.

阿囡一人分析兩角 - lettuces and wedding guest (即係大咖!)

扮演主角嘅多數係K3, 人地真係好叻叻呀, 又唱得又演得!

表演完後派發成績表......

 

仲有之前校際張 cert.

$3200 一年 (9個月) 都算抵玩, 出年繼續玩!!!

音小面試

2013年6月22日

Sheryl第一個正式小一面試終於開始 - 國際基督教優質音樂中學暨小學

面試時間係中午12點, 係3日面試中最後一日.  之前睇過其他家長分享交表心得, 特登最後一日先交表, 成功地被安排最後一日面試!

當日早上仲掛緊3號風球, 好彩到中午天氣好轉停左雨.

我地11:30就到達了......

首先去報到, 家長同小朋友都有一張label貼喺身度.  因為未夠鐘, 指定動作一定係帶Sheryl去廁所先.

跟住小朋友同家長一齊坐喺library度等, 不過library D 書係唔比睇嘅.  好彩我有自己帶定幾本新嘅Kipper Floppy書.

到11:55分, 老師叫名小朋友出去排隊, 分批(每組10-12人)跟老師去唔同班房面試.  跟住家長就等叫名上去見老師(面見家長).

面見家長:

之前已經聽過其他家長話音小極度傳教, 有祈禱, 我地無問題因為我同老公都係基督教學校長大, 我地反而想Sheryl 讀基督教背景學校.

1.  揀音小原因?
2.  如何培育女兒?
3.  對女兒有咩寄望?
4.  老師介紹自己學校都有教會, 可以帶小朋友黎返.  跟住老師領禱, 主要係祝福Sheryl同我地.  (事後有家長話老師要佢地當場決志, 可能我地已經表明係信基督教, 所以老師無要我地決志)
5.  最後老師問我地Sheryl有無咩特別問題佢地要注意嘅 (我地答無,除左佢係用左手之外)

面見家長過程大約15分鐘左右, 都係問返張問卷填過嘅野, 我地本身基督教所以覺得無咩問題, 不過唔信教嘅家長可能有d唔太接受到佢keep住傳教嘅style. 

小朋友面試:

Sheryl 話有畫畫，寫中英文字，認中文字

1.  老師叫畫兩個orange squares,
2.  抄寫＂足球＂同埋畫個足球。
3.  老師講＂horse",要串同寫horse,再畫隻馬。
4.  中文認字有：朋，車，月亮，中 (唔知真定假）

佢係講到噤多，我反覆＂chok"佢佢都係講呢d,應該唔係老作

家長見完老師就去返一間房接小朋友, 佢地播緊一套聖經故事卡通片.

12點面試時間準時開始, 未夠1點走得, 安排算係幾好.  整體黎講面試內容唔深, 不過有成3千人見, 唔知佢地點揀人!

Aidan baby gym初體驗

今次朋友仔Marco喺the little gym開生日會, Sheryl當然玩得開心.



至於Aidan, 因為太細唔識玩group activities, 唯有喺旁邊自己玩.

男仔果然係男仔, 家姐細個唔鍾意玩gym, 細佬見到就發晒狂, 完全唔理daddy mammy喺邊, 不自量力地自己周圍走周圍爬, 追到我無氣又嚇到我破膽


Aidan真係好aggressive, 唔理自己玩唔玩到, 一放佢落地就好似魔打腳噤四圍走, 趺低又起身爬過......

睇黎都要比細佬玩下baby gym先得.......

連影大合照都捉唔到Aidan返黎影.....

Big duck duck on sea

我估應該無咩邊個細路唔鐘意duck duck, Sheryl 同Aidan一直都有同duck duck一齊沖涼, 所以今次big duck duck黎香港一定要帶佢地去睇下:

Aidan成晚超級興奮, 係噤叫 big duck duck........

仲要逐隻摸.  貪心嘅Aidan同最後已經對d陸地上嘅duck無興趣, 要求要摸 big duck duck!!!!

阿囝, 隻big duck duck喺海中心係摸唔到架


之後興起坐ferry, 其實架車泊左喺海港城, 我地搭ferry去中環, 再搭返轉頭返尖沙咀攞返車

原來今次係兩姐弟第一次搭ferry!

Mother's Choice X CreativeKids Charity Workshop

CreativeKids 同Mother's Choice合作攪左個Charity Workshop, 係小朋友同父親一齊製作一件art piece, 放喺Mother's Choice Annual Dinner做exhibition, 幫Mother's Choice籌錢.

Sheryl已經4歲半了, 應該可以理解做chairty幫人嘅道理, 加上又可以當親子活動, 何樂而不為?



未開始先興奮......

主題係sweet home, 首先揀唔同嘅布條, "編織"一間屋 (好有意思呵!!!) 

跟住晝屋企嘅成員......

最後用唔同物料去decorate........

 

這就是我們的家...仲有埋CoCo Milky架 :)

一個月, 收到張cert, 竟然發現我地間屋有份出現呀!!!  大家見唔見到呢?

後記:  出席完workshop之後一個星期, 有日......
Sheryl突然話"我想要個妹妹呀!"  ,
我話"媽咪唔會再生架啦." 
Sheryl諗左一陣, 就話"噤我地帶d無daddy mammy嘅小朋友返屋企做我妹妹咪得囉!"
我: "噤係要比心機讀書, 得時大個左有能力照顧呢d小朋友, 咪可以自己決定帶唔帶佢地返屋企囉!"

雖然佢未必理解全部, 但起碼佢有個幫人嘅心, 我已經好感動同安慰了!!!

第65屆香港學校音樂節 - 優勝者音樂會

3月份Sheryl學校合唱團參加第65屆香港學校音樂節, 得到甲等成績, 其實幼稚園組係無名次之分, 只有grade, 即係同一組別可以有幾組係甲等. 

後來學校通知原來我地被選為各分區 (全港) 之中最優秀的隊伍 (有點驚訝), 更被邀請於4月27日的優勝者音樂會中表演!



門票係要自己比錢買嘅!

當日場刊......

其他組別優勝者......全部都係名校............

 

可想而知名校點解係名校, 佢地嘅表演真係令人拍晒手!!!!

表演過程同樣係唔可以影相, 不過頒獎就可以啦!

Sheryl......竟然做代表上台攞獎!!!!!!  好彩有佢個靚仔"boyfriend"磅住!!!

孔校長親自出席打氣......

2013樂施音樂馬拉松

4月21日, 參加了2013樂施音樂馬拉松, 表演地點係太古城商場.

只係揀左一首Sheryl比較喜歡又好聽的歌仔, 希望佢唔好怯場.

表演前同PPEA其他學生大合照......

 

心情好輕鬆, 因為未知發生咩事???

出場啦.....一開始.....佢係.....唔記得左!  其實有譜得, 可能太緊張了.  佢自己亂噤彈左半分鐘......之後可能冷靜左d就彈返原本隻歌啦!!!

好彩竟然無人發覺佢彈錯, 都叫可以完成首歌

事後同校長合照:

阿囡其實你真係好叻了, 比著係我, 第一次上台彈, 一定驚到唔知彈左d咩,  所以一於有獎品!!!

台北食,食,食...Day 3

第三日, 比細佬叫醒.  p.s. 細佬去到邊都噤鍾意玩搖控....


食完早餐近近地去Sogo賣小朋友衫果層, 真係好似日本....無價減貴都暈, 好彩有少少野玩下.

 

daddy同家姐去多一轉誠品, 我就帶細佬返酒店休息同pack野check out

 

check out後去個late lunch, 真係幾late, 2:30了.  不過化骨龍細佬有得玩唔記得左肚餓了!!!


食完late lunch就出發去機場.

雖然家姐唔"好"hello kitty, 不過粉紅色嘅卡通公仔佢都like架

臨尾仲比家姐"標尾會"玩左轉hello kitty playground.


3日旅程結束, 只係喺市區行下食下, 無去咩景點, 因為細佬細, 又第一次帶兩個出門, daddy又無假期, 唯有小試牛刀去個hea trip先, 其實都已經好攰了. 

台北食,食,食...Day 2

第二日食完早餐就去行街同埋食野.  又係食!!!!

一出發細佬就......大覺瞓





由酒店一路行去微風廣場, 其實只須20分鐘, 但係我地就行左成個鐘!  因為一路行一路食, 珍珠奶荼, 太陽餅....真係唔知點解食得落!

微風廣場, 好似香港嘅pacific place, d鋪路全部名牌, 只可以window shopping.  最好係有間afternoon tea, 可以買到野, 又可以幻想下自己喺日本

Lunch食青葉, 碟炒新竹米粉真係十級好食, 香港點都食唔到!

食完lunch, 細佬比左份大禮我地, 就係.......癩poopoo癩到上腰!!!!  可能因為餐餐都跟我地食街野, 腸胃唔習慣, poopoo有d稀, 真係比佢玩死!!!

回程時又食.,,.,,,,,

之後daddy同公公帶左細佬同家姐返酒店nap一陣, 我同姨姨婆婆就去行sogo, 同埋去台北車站附近買手信.

原來Sogo有Retro girl, 香港d日本代購成日賣架, 原因呢度好平, 掃!!!!!!

仲有Jelly Beans專門店, 不過無減價好貴無買!

Shopping完之後就join返daddy佢地去食dinner.

今次食好出名嘅欣葉.....不過味好濃, 相比青葉好食好多.

 

飯後去誠品朝聖, 家姐仔最開心 (佢去 bookshop同去toysrus嘅開心程度係一樣的!)  仲要讀比細佬聽

結果行到腳跛返酒店, 嘩, 真係好攰, 特別係細佬喺誠品時扭眼瞓唔肯坐車仔, 要我抱住廿幾磅真攞命!!!

台北食,食,食...Day 1

由於假期有限, 今次去台北係"快閃飲食遊"!  出發前兩姐弟病加發燒, 細佬仲要係出發前一日先退燒, d抗生素要帶埋去旅行

帶住兩個小朋友, 早機唔好預我.....所以今次揀中午12點機.

細佬人生第一次搭飛機呀!

細佬.....打衛星電話好貴架.....!!!!!

由機場去酒店有酒店安排的limosine, 成程機唔肯瞓嘅細佬明顯已經好眼瞓了...



家姐已經頂唔順挨住婆婆瞓左:

 

 

到酒店啦, 呢間係細細間嘅精品商旅, 大堂有iMac比人用, 家姐仲忙過我地.....

好彩細佬張bb床剛剛好夠長比佢瞓,

 

Check in左之後其實已經4點幾, 加上港航d食物真係好難食, 所以好肚餓要去醫肚先.  一出到大街就見到隻好乖好靚嘅lab....

由於太肚餓, 去左食拉面但唔記得影相....細佬都食到唔停口!

食完"tea"就去附近Sogo行下, 唔夠三個鐘又食dinner啦,...

魚生新鮮, 而且比香港平好多......

細佬唔知係咪眼瞓, 變左隻嗲精, 係噤痴實婆婆...