鋼琴課@HKPPEA

基於媽咪只係識彈鋼琴嘅關係, Sheryl 順理成章地學鋼琴.

上完Tom Lee的Music Wonderland, 柏斯的兒童鋼琴班後, 4個月前開始比Sheryl喺屋企樓下Tom Lee單對單學琴.  學左3個月, 發覺佢都ok有興趣, 同埋老師話佢學得幾快,於是就上個月就開始轉去HKPPEA學, 因為師資好d.

報名時學校問我有咩要求, 係想要考級數定提高學習興趣, 我毫不猶豫地答唔係考級數.  自己學琴, 知道打好個底係好重要.  考級數某程度上係限制左佢琴技上的發展.  仲好記得細個考琴, 為左要考得好, 全年大部份時間都只係彈考試果幾首歌, 即使彈得好, 都只限果幾首考試歌而已.  當然每個家長要求唔同, 有人覺得樂器只係一種考名校的工具, 噤考級數好重要.   不過講真, 而家除非考4,5級, 如果唔係的話, 報學校拎住1,2 級真係無咩用. 

我希望樂器可以陪佢一世, 唔係只因為考學校.  雖然自己好耐無彈琴, 但其實偶然都會手痕想彈下, 而彈到自己鍾意嘅歌係一種樂趣, 音樂欣賞係一種修養, 所以好希望Sheryl可以真正愛上音樂, 唔好淨係為考試而學樂器.

老師話佢sight reading 比同年齡小朋友好, 不過都係怕難, 成日想avoid一d難嘅歌, 希望老師可以鼓勵佢克服呢個問題.

Jumbo farm animals @ Aidan 15 months

不得不承認, 男仔發展真係比女仔慢, 家姐15個月時已經識好多野, 細佬15個月仲未識講野, 淨係識叫媽媽, 奶奶, 波波同街街.....

細佬同家姐有一樣好唔同, 就係家姐自bb開始已鍾意睇書, 但係細佬無心機睇, 睇豕頁就走左佬.  家姐同是15個月時已經可以好專心睇完一本又一本書.

於是故技重施,  出動jumbo animals 系列的farm animals, 加埋usborne farmyard tales 嘅Pig gets stuck 圖書, 希望引起佢睇書嘅興趣,

男仔始終活躍d, 要吸引佢真係要出埋道具, 再加上阿媽十級跨張的演繹, 經過半個月的努力, 細佬終於可以睇晒成本書先走佬...  不過每日限玩一次, 如果唔係佢好快就無興趣了.

E.nopi 數學

Sheryl上個月開始返E.nopi maths.  初時驚住係噤做嘅模式Sheryl會唔ok, 不過佢又肯做喎.

Sheryl學校一向都出名"淺", 每日得一樣功課, 10分鐘內可完成, 如果唔花時間同佢"補"下習, 考小一真係凍過水..

雖然只係做緊好簡單的加數. 不過都係一個好開始:

繁忙的農曆新年

雖然舊年農曆新年Aidan已經出左世, 不過舊佢得兩個月大, 好少出街.

今年大個囝啦~~~~當然係要出動逗利是啦!!!!!

今年去Sogo買左個靚靚日本hand paint全盒過年

而我地竟然因為太繁忙, 唔記得都同佢地影相........

竟然只係得呢兩張.................

 

中國水墨畫揮春

CNY 2-days workshop at Creative Kids.

自己幾鍾意中國水墨畫, 覺得柔和得黎又好有美感, 平時Creative Kids d 堂噤貴唔捨得比Sheryl去學, 見CNY有2-days workshop, 平平地又係水墨畫, 製成品仲可以當巨型揮春掛添......

我覺得好靚呀, 同埋我覺得係佢自己畫嘅, 最多係老師幫少少.  個春字都係佢自己寫嘅, 因為之後叫佢寫多次佢係識寫嘅.

張相可能睇得唔清楚, 張畫上面有d金色閃粉架, 好靚靚架!

如果我有時間都想學下!