台北食,食,食...Day 3

第三日, 比細佬叫醒.  p.s. 細佬去到邊都噤鍾意玩搖控....


食完早餐近近地去Sogo賣小朋友衫果層, 真係好似日本....無價減貴都暈, 好彩有少少野玩下.

 

daddy同家姐去多一轉誠品, 我就帶細佬返酒店休息同pack野check out

 

check out後去個late lunch, 真係幾late, 2:30了.  不過化骨龍細佬有得玩唔記得左肚餓了!!!


食完late lunch就出發去機場.

雖然家姐唔"好"hello kitty, 不過粉紅色嘅卡通公仔佢都like架

臨尾仲比家姐"標尾會"玩左轉hello kitty playground.


3日旅程結束, 只係喺市區行下食下, 無去咩景點, 因為細佬細, 又第一次帶兩個出門, daddy又無假期, 唯有小試牛刀去個hea trip先, 其實都已經好攰了. 

台北食,食,食...Day 2

第二日食完早餐就去行街同埋食野.  又係食!!!!

一出發細佬就......大覺瞓





由酒店一路行去微風廣場, 其實只須20分鐘, 但係我地就行左成個鐘!  因為一路行一路食, 珍珠奶荼, 太陽餅....真係唔知點解食得落!

微風廣場, 好似香港嘅pacific place, d鋪路全部名牌, 只可以window shopping.  最好係有間afternoon tea, 可以買到野, 又可以幻想下自己喺日本

Lunch食青葉, 碟炒新竹米粉真係十級好食, 香港點都食唔到!

食完lunch, 細佬比左份大禮我地, 就係.......癩poopoo癩到上腰!!!!  可能因為餐餐都跟我地食街野, 腸胃唔習慣, poopoo有d稀, 真係比佢玩死!!!

回程時又食.,,.,,,,,

之後daddy同公公帶左細佬同家姐返酒店nap一陣, 我同姨姨婆婆就去行sogo, 同埋去台北車站附近買手信.

原來Sogo有Retro girl, 香港d日本代購成日賣架, 原因呢度好平, 掃!!!!!!

仲有Jelly Beans專門店, 不過無減價好貴無買!

Shopping完之後就join返daddy佢地去食dinner.

今次食好出名嘅欣葉.....不過味好濃, 相比青葉好食好多.

 

飯後去誠品朝聖, 家姐仔最開心 (佢去 bookshop同去toysrus嘅開心程度係一樣的!)  仲要讀比細佬聽

結果行到腳跛返酒店, 嘩, 真係好攰, 特別係細佬喺誠品時扭眼瞓唔肯坐車仔, 要我抱住廿幾磅真攞命!!!

台北食,食,食...Day 1

由於假期有限, 今次去台北係"快閃飲食遊"!  出發前兩姐弟病加發燒, 細佬仲要係出發前一日先退燒, d抗生素要帶埋去旅行

帶住兩個小朋友, 早機唔好預我.....所以今次揀中午12點機.

細佬人生第一次搭飛機呀!

細佬.....打衛星電話好貴架.....!!!!!

由機場去酒店有酒店安排的limosine, 成程機唔肯瞓嘅細佬明顯已經好眼瞓了...



家姐已經頂唔順挨住婆婆瞓左:

 

 

到酒店啦, 呢間係細細間嘅精品商旅, 大堂有iMac比人用, 家姐仲忙過我地.....

好彩細佬張bb床剛剛好夠長比佢瞓,

 

Check in左之後其實已經4點幾, 加上港航d食物真係好難食, 所以好肚餓要去醫肚先.  一出到大街就見到隻好乖好靚嘅lab....

由於太肚餓, 去左食拉面但唔記得影相....細佬都食到唔停口!

食完"tea"就去附近Sogo行下, 唔夠三個鐘又食dinner啦,...

魚生新鮮, 而且比香港平好多......

細佬唔知係咪眼瞓, 變左隻嗲精, 係噤痴實婆婆...

再"淘"ORT Kipper & Floppy

 

之前淘嘅Songbirds series Sheryl都可以自己拼讀, 不過佢問我點解唔係kipper黎......佢話都係鍾意Kipper多d.

由於之前已經淘左舊版Read At Home系列. 所以而家新版如果成套買就會有一半重覆, 所以唔可以淘一套, 只可以逐本淘......

搵到一間好多新貨, 大部份我地都未有, 所以一次過淘左二十幾本, 每本都係RMB$10,  加上ORT d書好薄, 運費都唔過首重, 真係抵到無朋友 

收到書果晚, Sheryl勁開心, 一晚已經K.O.晒二十幾本書......



今次淘多左6本高level嘅Chapter book, 當然Sheryl未可以自己睇, 不過都可以比佢習慣下睇Chapter book.

後記:   因為Sheryl實在太愛Kipper 系列, 所以兩星期後見有新貨返, 再淘左27本, 前後共50幾本, 都係$500左右, 仲要唔係影印版係原版, 仲想點???

會寫中文名字了

Sheryl學校仲係寫緊好淺嘅中文字, 好似"早, 花, 土", 加上Sheryl係用左手的, 學寫字比其他用右手的小朋友難少少,例如筆順.

奈何考小一時大部份都要識寫自己個中文名, 唯有硬著頭皮即管試下教佢寫.....

初時諗住要學好耐先寫到, 點知原來學左一星期左右就寫到了, 雖然寫得唔靚, 同埋一定要抄, 但都叫做係好嘅開始.

距離第一個interview仲有3個月時間, 希望可以寫得再好d啦!!!!

淘寶英文書收獲

為左配合英文home schooling, 要搵ｄ配合到phonics進度的讀本．最好的莫過於Oxford Reading Tree 系列．不過香港買真係貴到得人驚，好在有淘寶

Oxford Reading Tree Songbirds Phonics系列，　雖然阿囡話鍾意Kipper Floppy系列多ｄ，　不過Songbirds phonics在淘寶更多更齊．

呢度雖然唔齊，　但係level 1至4都有，有排睇了．最重要係呢度全部嘅價錢喺香港只夠買一個level

下面呢幾本，Sheryl大部份可以自己拼讀完成，有ｄ深ｄ兩個音節的字要幫下．

阿囡真係好鍾意Kipper系列，　買左本４合１比佢：

呢本其實淺ｄ，不過佢like又唔貴就買比佢啦！

仲有勁抵exercises:

usborne系列ｄ公仔真係好cute好靚，　呢本fairy tales係Classic stories , 啱晒Sheryl!

 

第65屆香港學校音樂節－幼稚園唱遊

３月１１號放學後，Sheryl跟隨學校合唱團參加第65屆香港學校音樂節－幼稚園唱遊組比賽．

其實都唔算係比賽，因為呢個組別係唔計名次的，只係分Grade A,B,C,D.

比賽曲目係”春天來了”，　阿囡負責扮花

 

仲要set頭化妝．因為我平時唔化妝，所以阿囡見人化妝有ｄ驚，仲以為會痛痛，我同佢講只係put some color on your face, 　佢先肯試下，點知試左之後一照鏡，佢轉頭走去老師度話要搽多ｄ．．．　女仔天性都係貪靚！！！！



當日比賽場地係浸會大學大專會堂，門口有長長的家長人龍等入場．

因為大會好嚴格規定唔準影相，連拎個電話喺手都唔比，　所以係影唔到任何相．．．．．

其實大部份比賽隊伍都表現得好好，結果阿囡學校攞Grade A, well done! 

項目: U79

幼稚園音樂唱遊 - 中文歌曲 - 6歲或以下 Kindergarten Music Activities - Singing in Chinese - Age 6 or under 每隊參賽隊伍的人數不能少於20人或多於30人。 本項目不設評分及名次，參賽隊伍之表現均以等級(A、B、C或D)來評定。隊伍成績如獲A、B或C級，將分別獲發榮譽、優良或良好獎狀。 參賽隊伍可自由發揮，但不可超出限時。隊伍可自行決定是否需要服裝、道具或鋼琴伴奏。 限時：5分鐘(包括台上的準備時間) 音樂節比賽目錄內有關此項目的特定要求，參賽者必須遵守。 請按此細讀比賽目錄。 比賽樂曲: 春天來了   以下參賽者的報到時間為下午2時00分，比賽時間為下午2時15分 1. 聖保祿幼兒園 2. 明我幼稚園（奧運校） 3. 東華三院力勤幼稚園 4. 威廉（睿智）幼稚園 5. 嘉諾撒聖心幼稚園 6. 民生書院幼稚園 7. 朗思國際幼稚園／幼兒園（麗港城） 8. 學之園幼稚園（凱帆薈） 9. 嘉德麗幼稚園（粉嶺） 以下參賽者的報到時間為下午3時30分，比賽時間為下午3時45分 10. 維多利亞幼稚園 11. 明我幼稚園 12. 右思維幼稚園 13. 德望小學暨幼稚園（幼稚園部） 14. 蘇浙小學 15. 聖安當幼稚園 16. 學之園幼稚園暨雙語幼兒園 17. (取消資格)

英文認字@home schooling

Sheryl學校雙班主任制，每日３小時都有NET在場，其實全部同學都好自動波地對住NET就講英文，對住中文老師就講廣東話．　所以英文聽講Sheryl唔大問題，反而係讀寫就差ｄ，因為學校唔谷讀寫，　所以我幫Sheryl報左Oxford RWI course.

因為Sheryl好鍾意睇書，所以好希望佢可以快ｄ開始自己睇下ｄ每版一兩句sentences的英文書，所以唯有每晚同佢補下ｄ英文．

教材都係坊間買到的exercises.  呢個系列幾好，　用唔同嘅activities反覆教幾個生字，ｄ activities好有趣，好似color, rainbow write...完成每版都有一個貼字仔，　阿囡最鍾意做呢個系列，　晚晚都話要做左sticker果本先

Sight words:

其他英文生字：

 

下面呢本喺淘寶買，內容無上面果本噤多元化，　只係寫個生字，　不過作為補充上面ｄ教材，　加上價錢太抵，買得過！！！

除左練習簿，我會自製字卡同佢玩，　例如我show一張字卡，　佢就要即刻指自己的身體部位．又或者我讀一個字，鬥快揀張字卡，最後邊個多字卡就贏．　阿囡好鍾意玩，　用呢個方法，　每日都可以記到５－６個新生字，　當然之後每日都要叫佢讀一次make sure佢記得．　阿囡當玩，又可以認到字，真係very good.

中文認讀@創憶學坊

Sheryl間幼稚園英文程度真係幾好，　不過中文就好淺，　Sheryl到而家K2下學期都只係認到好少中文字，　加上我唔用flashcard, 所以Sheryl　K1時係文盲黎架

其實我都唔主張K2噤細個寫太多中文字，　不過認字就有須要了，　因為可以幫助自己閱讀．　中文同英文比較，　其實中文難學好多，　試過喺屋企用”我自己會讀”系列教佢，雖然有字卡圖書練習，不過效果唔係太理想．

另外一直用緊的”有趣的文字”，　效果好好，　不過無書本文章配合，唔係好夠用．Blog友介紹下去試下創憶學坊，真係每堂可以認到７個新生字，又有文章配合，　阿囡自己讀到成篇文章好有成功感．