今年新年好繁忙, 日日拜年又要雀局, 真係忙過返工! 所以要到初八先有時間寫blog啦!
大年初一, 去朱古力奶爺爺度拜年, 影返張大合照先! 朱古力奶d新年衫靚唔靚呢? 其實...係兩年前架啦, 慳錢呀嗎, 一年著一次咋!
今年自己整0既蘿蔔糕, 因為太貪心, 落多左料, 所以底糕變左啡色!
過年喎, 朱古力奶點可以無份? 呢個就係狗狗蘿蔔糕啦, 材料只有3樣: 蘿蔔, 番薯粒, cranberry (for topping) (當然仲要有粘米粉同粟粉啦), 朱古力奶勁鍾意食, Milky聞到都開心到彈下彈下!
CoCo: 媽, 你到底影完未呀? D糕凍左無益架大佬!
個狗狗蘿白糕好得喎
回覆刪除[版主回覆02/16/2008 11:08:00]我都有試過味, 少少甜味, 因為有番薯, 甜0既蘿蔔糕......有d恐怖!!! 不過朱古力奶勁鍾意, 聞到陣味已經開心到彈下彈下!!
我發覺coco個樣同qq個樣越黎越似, 當然qq冇coco咁醒目啦!
回覆刪除[版主回覆02/16/2008 11:10:00]你一接qq返屋企我已經覺得佢似CoCo啦! CoCo果d唔係叫醒目呀, 係叫古惑!
狗狗都有蘿白糕食....正呀...
回覆刪除新年快樂....心想事成...
[版主回覆02/16/2008 11:11:00]我都祝你地一家新年開開心心!
原來白蘿蔔狗狗可以食架? 因為自己唔食, d 仔仔都無得食....heehee....下年不如叫我3隻仔去你度拜年....順便食下蘿蔔糕lor~~~~
回覆刪除