32週幾去覆診, 醫生話馮三小姐而家4磅幾, 唔算size大, 如果要順產應該唔難, 到出生時會大約6磅幾. 不過呢, 今次醫生見到三小姐個頭轉左上上面, 上兩次明明已經向左下囉喎! 醫生話而家仲未知, 因為呀三小姐可能會再轉, 如果下次35週再check個頭都仲未向下, 就好大機會要開刀.
其實如果完全比我自己決定, 我都未決定到用無痛自己生定係開刀, 所以就算真係無得揀要開刀, 都無咩所謂. 不過只係淨返6個星期左右, 三小姐突然玩嘢唔掉頭, 攪到我有d緊張添!!!
喺我開始緊張嘅時候, 好彩新到個工人都算ok, 話頭醒尾而且都叫聽話, 煮餸好食, 星期日放假仲問我佢可唔可以早d返黎, 唔想喺街度hang around, 返到黎仲主動做家務, 好似拖地同整生果比我地食, 平時都好鬼樸素, 有時係我地覺得佢d衫太殘........! So far 都叫ok啦, 希望佢喺三小姐出左世之後, quality都可以keep到啦! 加上我地而家又0係房裝多個ip cam(Panasonic BL-C131), 雖然只係我公司睇到, 不過都總算係房同廳都睇晒, 放心好多! (特別鳴謝Eddie教Coco爸set個ip cam, 如果唔係, 我地都唔知要攪幾耐先set到!!!
至於朱古力奶呢, CoCo自從工人黎左之後, 好似仲比之前嗲多左, 我地返屋企之後, 佢成日都挨身挨勢, 訓0係地下都要將個頭挨埋我地隻腳度! 攪到果日婆婆問點解CoCo而家成個女仔咁?????
你就好彩啦, 而家好難搵到好工人啦! 我請好多個都唔得, 煩死人! 呀, 你幾時再嚟中環睇醫生呀?
回覆刪除[版主回覆09/09/2008 13:48:00]希望真係好彩啦, 要睇埋bb出世之後佢0既表現先知! 我未confirm實個覆診日子呀, 因為可能要改期, 再通知你呀!!!
唔駛客氣, CoCo爸都好醒目, 用電話遙控都做到! 不過話時話, 你set喺房咪即係唔鎖房門, 俾工人日頭入去?
回覆刪除[版主回覆09/09/2008 13:46:00]首先我要澄清, 個dyndns account係我register架! 係咪好勁呢, d咁"high-tech"既野我都識!
我地又無諗過鎖門, 一來間房無值錢野, 二來一直我地個家務助理都係咁入房打掃. 加上第時張bb床0係我地房, d bb野又0係晒我地房喎! 而家裝左隻cam我諗佢都唔會亂黎掛?!
仲有, 我地一返到屋企就拔左個插頭, 可能第時bb出世之後會將pccw同個 cam 掉轉放, 因為pccw果隻眼仔方便好多, 好似尋日個router死左, pccw隻眼無影響!!!
何唔到你咁high-tech, 失覺晒
回覆刪除點解你叫個女做“三”小姐既﹖﹖﹖ 係唔係因為你有Coco同Milky??
回覆刪除係呀﹐ 而家請個好既工人真係唔易架﹐ 希望你果個會keep住好就好喇﹐ 佢之前有無湊過BB架﹖﹖
話時話﹐ 你有工人幫你湊Sherly﹐ 但係你一有時間就要自己湊返﹐ 同佢玩同溝通多啲呀﹐ 我識好多人啲BB都痴晒工人唔痴老豆阿媽呀﹐ 有個每逢夜晚連阿媽都推開忝呀﹐ 所以唔好靠晒工人呀!!!!
哈﹐ 唔好意思﹐ 串錯左你個女個名忝。。。 係Sheryl, 唔係Sherly..
回覆刪除