自從5月8號in完Victoria, 心情一路都好緊張, 要等成3個星期先知result, 實在太太太耐啦!
佢地開學未足兩歲pre-nursery (PN)班有分每旺星期返5日/3日/2日, 再分上下晝班. 大部份人都會揀5日上晝, 我都唔例外. 不過喺300幾人爭40個位的情況下, 可以返5日嘅位, 我諗得20個左右, 所以我都預左就算收都可能只收3日/2日!
終於等到5月29號, 其實之前一日已經有另一分校家長收到信, 上左討論區分享, 結果係.....個個都唔收, 無一個post上網話係收嘅! 睇完之後更加緊張, 扣左d皇親國戚位, 真正available嘅位可能得廿零個....... 所以我地開信箱果時真係有d手震............................
嘩嘩嘩........封信好厚喎, 原來有埋d註冊文件, 即係.......收左!!!!!!!!!! 睇真d, 仲要係5日班!!!!!! 雖然係下晝班, 但係已經好似中左2獎一樣!!!!!!!!!!
阿囡叻叻, 連媽咪都自愧不如, 媽咪當年考kindergarten間間都唔收架! Sheryl, we are so proud of you!!!!!! (雖然只係PN班,但係competition已經大到咁, 香港d教育制度真係....唉!) 而家最安樂嘅係, K1可以直升唔洗再打崩頭!!!!
阿囡自3個月大開始, 就排隊讀Victoria嘅1-2歲playgroup, 足足等左13個月, 今年3月終於有位! 雖然quality我覺得Tutor Time好d, 不過大家為左要入PN, 個個都排playgroup. 維記對外聲稱playgroup學生唔會有優先入PN, 而實情亦唔係個個讀playgroup都入到PN.
點知知道interview結果之後, 同playgroup老師傾開, 原來實情並非如此................好彩我地有讀playgroup咋!
分享下阿囡上playgroup情況, 佢都上得好開心架!
Sheryl's favorite teacher - Ms. Annette
Sheryl's best friend - 大佢一個月嘅Wing Wing, Wing Wing都入到2日上晝班呀!
老師story time, Sheryl同Wing Wing掛住自己玩.......
不過全組Sheryl最鍾意聽story, 幾投入.......
Role play games..............
中文老師Ms. Wai教玩水...................
8月就正式開學讀PN啦, 要自己上堂無人陪, 唔知阿囡會喊幾耐??????
好o力囡呀~~
回覆刪除我都有wait list tutor time，吾知要等幾耐。維記？我都想試下，你就好啦，個女女咁o力
[版主回覆06/04/2010 13:46:00]TT我果時唔洗排, 因為紅山果間少人d. 其實維記interview唔係考knowledge嘅野, 係睇小朋友反應, 如果細囝直情唔會問野, 即係唔識講野都無問題. 不過一定要留心聽老師講故事, 有反應, 跟住做動作. 如果返開playgroup唔太驚陌生人就問題唔大. 如果大囝果part聽朋友講會考動物名稱 (e.g. tiger, money etc.) 同埋食物名稱.
真係好彩唔似你， 你考唔到幼稚園俾我笑足廿幾三十年
回覆刪除瑄媽: 睇咗你個 blog 好耐, 第一次留言! 你好! 我都煩緊女女PN事宜, 香港嘅教育真係苦咗家長又苦咗小朋友.
回覆刪除Sheryl 好叻女呀! 可能老師係 playgroup見過嘅小朋友會了解啲, 同埋已經教過 interview 嘅嘢, 所以收嘅機會運會大啲都唔定!
[版主回覆06/07/2010 13:51:00]瑄媽, thanks for your support of my blog! :P
其實維記對外聲稱上playgroup對入PN無影響, 但係果日playgroup老師話in完之後揀左出黎嘅小朋友如果有返緊playgroup, 係會pass份form比老師填comment! 即係如果playgroup表現ok, 一定有著數. 另一個playgroup仲同我講, 其實佢地係有留一部份位比自己campus嘅playgroup學生架!!! 但係首要係interview當日表現ok.
congratulations!!! sheryl ho let let ar!!!
回覆刪除so there is a higher chance for vic to take their playgroup students? so it's better to study at victoria playgroup la wor? i am still in line for its playgroup... probably need to wait for 2 more...
[版主回覆06/07/2010 15:07:00]維記對外聲稱上playgroup對入PN無影響, 但係果日playgroup老師話in完之後揀左出黎嘅小朋友如果有返緊playgroup, 係會pass份form比老師填comment! 即係如果playgroup表現ok, 一定有著數. 另一個playgroup仲同我講, 其實佢地係有留一部份位比自己campus嘅playgroup學生架!!! 但係首要係interview當日表現ok.
仲有記住報返想讀PN果間campus嘅playgroup, 我識幾個人讀中康playgroup走去報海峰園PN, 結果全部唔收. 我問playgroup老師, 佢話係會收左自己campus playgroup students先架!
中康有playgroup咩? 點解我問佢話無, 只得上康有playgroup.
回覆刪除我B 8月返上康playgroup. 咁明年考N1....
[版主回覆08/04/2011 17:29:00]中康同上康係同一個校長, 只係因為中康唔夠位, 將中康playgroup全部上晒上康, 上康淨係得playgroup架, 所以如果想入中/下康PN, 就要報上康playgroup囉
明白了. 多謝你的explanation.
回覆刪除